Trusted computing
Trusted Computing
El trusted computing T.C. l'è n'acronimo riferìo a un tipo de nôa tecnologìa del contròlo, tecnologìa derivà da le specìfiche de el Trusted Computing Group. El T.C. el g'ha l'obietìvo de far elaboratôri piasé sicuri tramite l'uso de sistèmi hardware e software pàr el tele-contròlo de màssa.
La paròla trusted (fidà) en qésto caso la g'ha en significato particolàr: no la vôl mia dìr che sta nôa tecnologia la sia afidabile pàr l'utente, ma pìtosto la g'ha da èsar considerà "fidà" pàr i canoni imposti da le açiènde che le ha fondà el consorçìo trusted computing group. En teorìa el sarà posibile che i prodòti tecnologici (elaboratôri, letôri MP3, telèfoni celulàri inteligènti...) che i gavarà el sistèma T.C. i podarà protèger el software e i firmware interni da manomisiòni e impôr restriçiôni a l'utente su aplicaçiôni ritegnùe mìa sicure e afidàbili, parché no i è mìa stè aprovè da l'açiènda produtrìce.
No i è mìa d'acordo
Qéi che i crìtica sta nôa soluçiòn i diše che l'efèto de la tecnologìa T.C. pòsa èsar l'imposiçiôn de màsa limitaçiòni de uso pàr i legitimi proprietari e un contròlo de màssa da parte de le grandi açiènde énformateghe (e ànca da parte de i servìsi segréti) en el stìle de el lìbro Grande Fradél de George Orwell.