OpenStreetMap
| OpenStreetMap | |
 | |
 Цэнтар Менску на OpenStreetMap | |
| Слоган | The Free Wiki World Map (Вольная мапа сьвету) |
|---|---|
| Тып | Картаграфія |
| Даступныя мовы | некалькі моваў[d] |
| Уладальнік | OpenStreetMap Community[1] |
| Аўтар | Стыў Коўст |
| Пачатак працы | 1 ліпеня 2004 года |
| Камэрцыйны? | не |
| Рэгістрацыя | Абавязковая для ўкладальнікаў |
| Актуальны стан | Працуе |
| openstreetmap.org | |
OpenStreetMap (OSM) — супольны праект па стварэньню вольных рэдагуемых мапаў усяго сьвету.
Мапы ствараюцца на аснове зьвестак з GPS-навігатараў, аэра- і спадарожнікавых фатаздымкаў ці з уласнага досьведу. Як растравыя, гэтак і вэктарныя мапы OSM распаўсюджваюцца на ўмовах ліцэнзіі Creative Commons Attribution-ShareAlike 2.0.[2]
OpenStreetMap натхнілі сайты кшталту Вікіпэдыі: кожны можа рэдагаваць зьвесткі, падтрымліваецца поўная гісторыя рэдагаваньняў. Зарэгістраваныя ўдзельнікі могуць загружаць GPS-трэкі і ствараць па іх мапы пры дапамозе розных прыстасаваньняў.[3]
Гісторыя
Праект быў заснаваны Стывам Коўстам у ліпені 2004 году. У красавіку 2006 была створаная фундацыя, якая па сёняшні дзень падтрымлівае стварэньне і распаўсюд вольных мапаў. У сьнежні 2006 году Yahoo! пацьвердзіла, што заўзятары праекту могуць выкарыстоўваць спадарожнікавыя мапы Yahoo! ў якасьці падложкі падчас стварэньня мапаў OSM.[4]
У студзені 2008 году карыстальнікам была нададзеная магчымасьць загружаць мапы ў GPS-навігатары. У сакавіку таго ж году заснавальнікі абвясьцілі пра атрыманьне стартавага капіталу памерам €2,4 млн для CloudMade.[5]
Карыстальнікі
Па зьвестках на жнівень 2008 году, у праекце было зарэгістравана болей за 50 000 удзельнікаў. У сакавіку 2009 — 100 000, а да канца 2009 году зарэгістравалася больш за 200 тысяч.[6]
Ня ўсе зарэгістраваныя ўдзельнікі робяць унёсак. На самой справа, большасьць зьвестак уносіцца меншасьцю ўдзельнікаў: з усіх, зарэгістраваных па стане на сакавік 2008 году ўдзельнікаў, прыкладна 10% рабілі ўнёсак кожны месяц.[7]
Стварэньне мапаў
Гісторыя
На пачатку праекту, першыя ўдзельнікі езьдзілі з GPS-навігатарамі і запісвалі каардынаты тых месцаў, дзе знаходзіліся. Гэтак першыя зьвесткі патраплялі ў базу зьвестак OpenStreetMap. Потым, калі зьявілісь першыя даступныя спадарожнікавыя здымкі, праца пайшла ўгору. Гэтаксама былі перададзеныя ўрадавыя матэрыялы: карты, схемы і гэтак далей.
Зараз, калі патрапляе вялікі аб’ём матэрыялу, адмысловая каманда ўдзельнікаў робіць зыходныя зьвесткі прыдатнымі да канвэртацыі і імпарту ў базу зьвестак праекту.
Камэрцыйныя мапы
Некаторыя кампаніі дазволілі выкарыстаньне сваіх матэрыялаў на слушных умовах. Напрыклад, Automotive Navigation Data ахвяравала схему аўтамабільных дарог Нідэрляндаў, а таксама схему магістральных дарог Кітая і Індыі.
У сьнежні 2006 году Yahoo! пацьвердзіў права OpenStreetMap на выкарыстаньне спадарожнікавых здымкаў Зямлі для стварэньня мапаў OSM, у якасьці тла для абводкі. Карыстальнікі могуць ствараць уласныя вэктарныя мапы як вытворныя працы, якія распаўсюджваюцца на ўмовах вольных свабодных ліцэнзіяў.[4]
Структура зьвестак
OpenStreetMap па сутнасьці — база зьвестак, якая зьмяшчае некалькі тыпаў запісаў:
- Вузлы (анг. nodes) — пункты з дакладным геаграфічным месцазнаходжаньнем.
- Шляхі (анг. ways) — сьпісы пунктаў, якія ствараюць ломаную ці шматкутнікі.
- Адносіны (анг. relations) — групы пунктаў, шляхоў і іншых зносін, якім надаюцца розныя ўласьцівасьці.
- Цэтлікі (анг. tags) — пары імя=значэньне, якія надаюцца вузлам, шляхам ці адносінам.
Крыніцы
- ^ FAQ - OpenStreetMap
- ^ Richard Fairhurst (2008-01-07). «The licence: where we are, where we’re going» (анг.)
- ^ Steve Coats in derStandard.at, 13 ліпеня 2009. (ням.)
- ^ а б Yahoo! aerial imagery in OSM (анг.)
- ^ We’re funded!, CloudMade Blog (анг.)
- ^ Stats OpenStreetMap Wiki (анг.)
- ^ We’re on a road to everywhere, OpenGeoData Blog (анг.)
Глядзіце таксама
Вонкавыя спасылкі
OpenStreetMap — сховішча мультымэдыйных матэрыялаў
- Галоўная старонка OpenStreetMap
- Мапа OpenStreetMap Беларусі зь беларускімі пазнакамі
 |
Гэта — накід артыкула пра сеціва. Вы можаце дапамагчы Вікіпэдыі, пашырыўшы яго. |